[蘋果日報] 鍾嘉欣曬心口白滑靠食齋
鍾嘉欣最近續約拍攝日本護膚品YUMEI廣告，為了報答廣告商的厚酬，她一改清純形象，換上吊帶低V晚裝，大騷35吋豐滿上圍。
廣告商安排了鍾嘉欣以性感女神形象出現，但她的經理人擔心影響形象，一度投反對票，幸好前來探班的鍾媽媽看到愛女的造型後，讚不絕口支持。最後經理人與廣告商再經一輪協商，即答允讓鍾嘉欣拍攝。工作人員看到她的性感打扮，看至目不轉睛，還大讚鍾嘉欣說：「Linda（鍾嘉欣）好索呀！」
問到鍾嘉欣可擔心廣告造型太性感？她說：「我覺得最緊要出黎既效果夠靚，今次既造型畀人好健康既感覺，我同廣告商都好滿意。為以最佳狀態拍攝廣告，我仲特登係拍之前兩星期，只食生果同埋食齋，等D皮膚可以靚D，身形又弗D，咁先可以配合到D靚衫嘛。」在拍攝每個鏡頭時，她都十分緊張，並走到攝影師的電腦前細看，一同研究怎樣擺甫士。